•’, ذبيح الـ ق ـدر ’,• << قصيده لصديق قتل صديقه بالخطأ

والحمد لله رب العالمين والصلاة والسلام على اشرف الأنبياء والمرسلين..
أما بعد..
هذي قصيدة..
تحكي معاناة إنسان..
بسبب غلطة..
غير مقصودة..
انتهت حياته..
سلطان بن رباح
كان له أخ ... لم تلده أمه...
أخ دين.. ودنيا..
هو محمد بن عقيل..
كانت أخوتهم.. على وظح النقى
من زود ما يغلي محمد..
سمى ولده البكر ... محمد على اسم خويه ...كانوا يعشقون الصيد..
وفي رحله من رحلاتهم..
في فترة الظهر..
كان محمد يجهز الغداء..
وسلطان .. ينظف السلاح..
ومن غير قصد..
وبدون علم..
بوجود الطلقة في مخزن السلاح...
انطلقت الرصاصة..
لتسكن في قلب محمد..
وترديه صريعا...
لم يكن عندهم احد...
وضع سلطان في السجن..
وبدت المشايخ بالوفود على أهل محمد..
لكي يصفحوا عن سلطان..
ولكن.. بدون فائدة ...فصدر الحكم عليه بالقصاص..
وبعد التنفيذ ..
ومصادفة...
صار قبر سلطان.. في جنب قبر محمد..
ما أطول عليكم... هذي القصيدة بين أيديكم

يافلاح الهم خيم فوق قلبي يافلاح
كيف تبغاني اسولف وانت خلبرني عليل
وش قولك في عليل في حياتة مستراح
تنتثر دمعت عيونة لظلم اليل الطويل
حالتة لالا ماتباعد حال سلطان الرباح
بلخطى راحت حياتة والخطاء مالة مثيل
كان ويا صاحبةاثنين في ارض براح
يطردون الصيد دايم من الصبح لين المقيل
جمعتهم خوة الدنيا على جد ومزاح
مايهابون اليالي والحمول الي تميل
ماقتل عامد ولاكن ثور ابليس السلاح
بلخطاء ثار السلاح وين يلقاله دليل
وانعقد سجنة وربعة تنتظر فك السراح
والاكيد انة سجين ومارظو اهل القتيل
هل دمعة يوم صلى ركعتين في الصباح
في نهار الجمعة الي من ثقيل في ثقيل
هلل وكبر ونفسة تذكر الي راح راح
كان في ربعة عزيز وذلة والوقت الذليل
لامحمد ولاتهاني ولاسعود ولاصلاح
كلهم كانو على بالة وهمة في هديل
طفلتن ماكملت عامين صايبها كساح
وانتثر دمعة وحالة من سبايبها نحيل
وحان وقت تنفيذ القصاص ولفو الراس بوشاح
وجاك سيافة يشيل السيف ابو حد صقيل
وارتخى راسة وزاد والموقف صياح
بين نوح وبين دمع وبين صيحات وعويل
وارتفع صوت الحشود وزادة محمدوصاح
يايبة تكفى دخيلك تستمع قول الدخيل
يايبة وشلون اصبر كيف نهجع برتياح
وانت من دنيا عيالك ماخذك مر الرحيل
يامحمد هاك علمي واحفضة قبل المراح
انتبة لخوانك وحط بالك عليهم لاتعيل
والله الله في الصلاة والصيام والصلاح
والله الله بمكم والله لكم بعدي كفيل
وغمض عيونة ونفسة تطلب من الله السماح
رافع سبابتة مظلوم والله الوكيل
وسل سياف الصفى سيفة وطق الراس ثم طاح
راس سلطان المراجل وانتثر دمه يسيل
وغسلوة وكفنوة وفاح ريح السدر فاح
وبلصادف صار قبرة جنب قبر ابن العقيل
يافلاح الكارثة ماهي سوالف يافلاح
خلني ساكت ودور غير هلقصة بديل

ولكم مني كل الشكر

دنووووووووووووشه والله الكلام قوي ...

ويوووووووووووووووووووووووجع القلب من جد <<< احس اني سويت مسلسل صح..هع

مشكووووووووره اختي

يسلموووووووو اخوووي موجت عصير ع المرور الرائع